انظروا كيفيه عمل مكرونه بالبشاميل 👌👍💖

نبدأ بالمكونات. 

هنقسمها لثلاثه مراحل. 

1:التعصيجه أو العصاج. 

المكونات :

*نصف كيلو لحمه مفرومه أو نصف كيلو كبد وقوانص أو نصف كيلو صدور فراخ مقطعه مكعبات. 

*نصف كيلو بصل مفروم ناعم. 

*حبيتين طماطم مفرومين ناعم.

*جزرايه مفرومه ناعم.

*ملح وفلفل اسود. 

*بهارات أو مرقه دجاج. 

هنحط حله على النار وننزل كل المكونات مع بعض ولو ممكن نحط حبه زيت، ونسيبها تستوي علي نار متوسطه. 

2:المكرونه أي نوع ويفضل يكون مكرونه بينا أو

 قلم. 

*هنحط حله على النار مليانه ميه فيها معلقه ملح صغيره،و اول ما المايه تغلى ننزل المكرونه فيها، و اول ما تستوي نصفيها من المايه خالص. 

3:نبدأ في البشاميل. 

المكونات. 

*ربع كيلو دقيق. 

*زيت علي قد الربع كيلو أو زبده أو سمنه. 

*كيلو لبن أو حليب.

*ملح و فلفل اسود.

*بهارات أو مرقه الدجاج.

* كوبين شوربه ولو مفيش يبقي ميه. 

الطريقه :

نحط حله على النار، وبعدين ننزل الزيت او الزبده، وننزل عليهم الدقيق، ونسيبهم خمس دقايق لغايه لما يتحمر ونشم ريحة الدقيق، ننزل بكميه اللبن كلها ولو ماسكه اوي ننزل بالشربه أو الميه، وبعد كده نحط ملح و فلفل اسود، مع التقليب المستمر بالمضرب اليدوي. 

وبعدين نجيب صينيه أو بيريكس

ونحط راق بشاميل و راق مكرونه مسلوقه ونحط العصاج وراق من المكرونه وبعدين البشاميل ولو ممكن نحط علي الوش ميكس جبن 

(و بالهنا والشفا ) 👍💝