الشاورما مفيش أسهل و ألّذ من الشاورما 👌💖😍

لاء بجد مفيش أسهل من الشاورما وخصوصاً لمبتدئين في المطبخ.

وطبعاً الاطفال بيحبو الحاجات دي جداً زي الساندوتش والاسناكس والفاست فوود.

نبدأ بالمكونات :

_طماطم مقطعه مكعبات. 

_فلفل مقطع مكعبات بارد. 

_فلفل مقطع مكعبات حار (إختياري ). 

_بصل مقطع جوليان. 

_ملح وفلفل اسود. 

_بهارات لحمه. 

_طحينه. 

_خولنجان. 

_لحمه الشاورما (بنقول للجزار عايزين لحمه للشاورما و لازم تكون الحمه مقطعه شرائح رفيعه وصغيره). 

للتتبيله الحمه :

_في بوله كبيره نضع فيها (الحمه، وملح، وفلفل اسود، خولنجان، وطحينه) ونقلب كله مع بعض. 

للطريقه :

_نضع طاسه علي النار فيها (زيت، أو زبده، أو سمنه). 

_أول ما تسخن الماده الدهنيه نبدأ نحط الحمه وما نحركهاش الا لما تاخد لون من الجوانب بعد كده نبدأ نقلب. 

_و أول ما تاخد الون كلها ابدأ أنزل البصل الجوليان، وأول ما البصل يدبل ويستوي نصف سوي، وبعدين نحط الفلفل الحار والبارد مع التقليب. 

_وبعد كده أول ما يستوي اللحمه والبصل، أبدأ أنزل الطماطم مع التقليب. 

_و أبدا انزل الطاسه من علي النار و أول ما تنزل من على النار وهي سخنه انزل عصره ليمون وحبه بقدونس. 

وكده تبقى خلصتي الشاورما. 

للتقديم :

_ممكن نقدم معاها بطاطس مقليه. 

_ممكن نجيب معاها (عيش سوري، أو خبز تورتيلا) 

_نفرد العيش السوري ونحط عليه طحينه، وحبه بقدونس، وبعدين الشاورما، ونلف العيش. 

_ونبدأ نحمر الساندوتش في الجريل بحبه زيت. 

_وممكن نعمله في عيش برجر وبنفس الطريقه. 

(ي رب تكوني استفادتي من الوصفه ) 

وبالهنا والشفا. 🙂☝️♥️💖