المفتئه أو الحلبه المعقوده أو الحلاوه السوده لعلاج النحافه 💝💖
المفتئه علي أصولها من أيد اهاليها خطوه بخطوه.
ونيجي نشوف المكونات :
_3 كيلو عسل نحل أسود.
_عدد 5 معالق كبيره حلبه مطحونه.
_كوب دقيق.
_معلقه صغيره ملح ليمون.
_عدد 3 معلقه صغيره حبه البركه أو الحبه السوده.
_عدد 6 معلقه صغيره حبه خضراء.
_عدد 2 معلقه كبيره من الكركم.
_معلقه صغيره صمغ طبيعي (بودر).
_عدد 5 معالق كبيره مغات أصلي او ساده.
_عدد 1 معلقه ملح ليمون.
_لتر زيت.
_عدد 2 كوب سمسم محمص.
_عدد 2 كوب سوداني محمص.
_ب 10جنيه كتيره.
ونيجي نشوف الطريقه :
_في الاول ننقع الكتيره في ٢ كوب ماء لغايه لما يبقي زي الجيلي.
_ونضع الحله الألمنيوم علي النار (مينفعش الحله تبقي تيفال أو جرانيت أو سيراميك) .
_ونحط في الحله لتر زيت نتركه يسخن جيداً وأول ما يسخن نحط الصمغ الطبيعي البودر و كوب دقيق و الحلبه المطحون و المغات و الكركم و حبه البركه المتحمصه والمطحونه .
_مع التقليب الجيد.
_وبعدين نحط كميه العسل كلها (ولازم يكون التقليب في اتجاه واحد ) وأول ما يغلي نهدي النار ونضع الكتيره وأول ما يغلي نحط حبه البركه ونضع السمسم المحمص والسوداني المحمص وبعدين ملح الليمون
هقولك نصيحه :لو عايزه تتخني كلي المفتئه كتيره. 😘♥️💖💖🌹
تعليقات
إرسال تعليق