فطار ملوش مثيل (سلسلة عن فطار ملائكي ) بطاطس مقليه، بتنجان مقلي، بطاطس مسلوقه، طماطم بالبيض، بصل بالبيض، بطاطس مسلوقه بالبيض

السلام عليكم ورحمة الله وبركاته.

اللهم صلي وسلم وبارك على سيدنا وحبيبنا محمد. 

إن شاءالله هنعمل فطار بلدي بس تستاهل بوقك بجد روعه بكل التكات والتفاصيل. 

هنعمل :

_بطاطس مقليه. 

_بتنجان مقلي. 

_بصل بالبيض. 

_طماطم بالبيض. 

_بطاطس مسلوقه. 

بطاطس مقليه : 

وأوعي تكسلي يالله قومي أعملي الاكل. 

هنجيب البطاطس ونقشرها ونقطعها صوابع مش رفيعه ولا تخينه ونغسلها كويس قوي ونحطها في المايه فيها ملح وحبه خل ونحط طاسه علي النار فيها زيت وأول ما يسخن نحط البطاطس ومنقلبش خالص لغايه لما يكون البطاطس محمره من عند الزيت وبعدين نقلب وأول ما يحمر نجيب مصفه ونصفي البطاطس لغايه ما تكون فاضي من الزيت ومش نحطه علي مناديل خلص ونحطه في طبق ونحط عليه كمون وملح وكزبره ناشفه بتبقي حكايه. 

أعملوها و أدعولي... أدعيلي.

بتنجان مقلي :

هنجيب بتنجان رومي ونقطعه شرايح وغسله كويس وبعدين نحطه في الدقيق والنشا وفي زيت سخن نحط البتنجان عليه دقيق ونشا ويتقلي وأول ما يتحمر نقلب ونصفي كويس وفي طبق نحط البتنجان وعليع كمون وملح وكزبره ناشفه. 

بصل بالبيض :

هنجيب بصلتين متوسطين الحجم نقشرهم ونغسلها كويس ونقطعها مكعبات صغيره جداً وفي طاسه علي النار نحط فيها زيت سخن جداً نحط فيها البصل وأول ما يتحمر نبدأ نحط البيض ونحط ملح وكمون وكزبره ناشفه ونقلب بإستمرار لغايه ما يستوي . 

طماطم بالبيض :

هنجيب طماطم ونغسلها كويس ونقطعها ونحطها في الخلاط وفي حله علي النار ننزل بحبه زيت وأول ما يسخن نحط الطماطم لغايه ما تتسبك وأول ما تتسبك نحط البيض وملح وكمون مع التقليب المستمر لغايه ما يستوي. 

بطاطس مسلوقه :

نجيب بطاطس و نغسلها كويس ونقطعها مكعبات وفي مايه في الحله علي النار وفيها ملح وحبه كمون ننزل بالبطاطس وأول ما يستوي نصفيه كويس ونهرسه وفي حله علي النار فيها زيت وننزل ببيض وأول ما يستوي ننزل بالبطاطس. 

وبألف هنا ومليون شفا. 

اللهم صلي وسلم وبارك على سيدنا وحبيبنا محمد. 

السلام عليكم ورحمة الله وبركاته. 

بحبكم 🌹😘💖